Teenmar Mallanna ను లక్ష్యంగానే దాడి జరిగింది : ప్రత్యక్షసాక్షి Shocking Statement
Shriya TSN 
Teenmar Mallanna
తెలంగాణ జాగృతి కార్యకర్తలు Teenmar Mallanna పై దాడి చేయాలనే ఉద్దేశంతోనే ఆయన కార్యాలయంపై దాడికి పాల్పడ్డారని ప్రత్యక్షసాక్షి వెల్లడి.
Summary:
హైదరాబాద్, జూలై 13: Teenmar Mallanna (చింతపండు నవీన్) కార్యాలయంపై జరిగిన దాడి మరింత కలకలం రేపుతోంది. ఈ ఘటనలో ప్రత్యక్షసాక్షిగా ఉన్న ఫసియుద్దిన్ వెల్లడించిన వివరాలు షాక్కు గురి చేస్తున్నాయి.
“వారు మల్లన్న గారినే టార్గెట్ చేశారు. దాడి సమయంలో నేను ఆఫీసులోనే ఉన్నాను. 15 నుంచి 20 మంది Telangana Jagruthi కార్యకర్తలు ఒక్కసారిగా లోపలకి దూసుకొచ్చారు. కర్రలతో సిబ్బందిపై విరుచుకుపడ్డారు. వాళ్లు నేరుగా మల్లన్న గారిపై దాడి చేయాలనే ఉద్దేశంతో వచ్చారు. అదృష్టవశాత్తూ అప్పటికి ఆయన అక్కడ లేరు. లేకపోతే ఏమై ఉండేదో!” అని ఫసియుద్దిన్ మీడియాతో చెప్పారు.
ఈ దాడిలో కనీసం 10–15 మంది సిబ్బందికి తీవ్ర గాయాలు అయ్యాయని ఆయన వెల్లడించారు. “రోజూ ప్రజలు తీన్మార్ మల్లన్న గారిని కలవడానికి ఆఫీసుకు వస్తుంటారు. అలాంటి టైంలో ఇది జరిగింది. ఇది ఏ మాత్రం సహించదగిన విషయమా? పోలీసులు వెంటనే స్పందించి బాధ్యత వహించిన వారిని అరెస్ట్ చేయాలి. ప్రభుత్వం కఠిన చర్యలు తీసుకోవాలి,” అని ఆయన డిమాండ్ చేశారు.
విధ్వంసం చేసిన జాగృతి కార్యకర్తలు?
ఆదివారం జరిగిన ఈ ఘటనలో BRS ఎమ్మెల్సీ కవితపై తీన్మార్ మల్లన్న చేసిన వ్యాఖ్యలు ప్రస్తావిస్తూ, Telangana Jagruthi కార్యకర్తలు ఆగ్రహంతో రెచ్చిపోయినట్టు తెలుస్తోంది. మల్లన్న కార్యాలయం అయిన Q News ఆఫీసులో ఫర్నిచర్ ధ్వంసం చేశారు, అద్దాలు పగలగొట్టారు. వీడియోల్లో రక్తపు మచ్చలు కూడా కనిపించడం ప్రజల్లో ఆందోళన కలిగిస్తోంది.
అధికారుల స్పందన
“మాకు సమాచారం అందింది. ఇప్పటికే ఘటన స్థలానికి చేరుకుంటున్నాం. పూర్తిస్థాయిలో దర్యాప్తు జరుపుతాం,” అని మల్కాజిగిరి ఏసీపీ చెప్పారు. ఈ నేపథ్యంలో దాడికి పాల్పడ్డవారిపై కేసులు నమోదు చేసి చర్యలు తీసుకోవాలని నిరసనలు పెరిగిపోతున్నాయి.
కవితపై చేసిన వ్యాఖ్యలే దాడికి దారి తీసాయా?
తీన్మార్ మల్లన్నపై జరిగిన ఈ దాడికి ప్రధాన కారణంగా ఆయన ఇటీవల బీఆర్ఎస్ ఎమ్మెల్సీ కల్వకుంట్ల కవితపై చేసిన వ్యాఖ్యలే నిలుస్తున్నాయి. ఇటీవల ఓ లైవ్ డిబేట్లో మల్లన్న మాట్లాడుతూ, కవితకు భారత్ రత్న ఇవ్వాలని వచ్చిన డిమాంపై తీవ్ర వ్యంగ్య వ్యాఖ్యలు చేశారు.
ఆ వ్యాఖ్యల్లో మల్లన్న, “భారత్ రత్న కాదు కదా? బార్ రత్న!” అంటూ వ్యాఖ్యానించారు. అంటే కవిత మద్యం కుంభకోణాల్లో ఆరోపణలతో పేరు తెచ్చుకున్నారని అర్థమయ్యేలా మాట్లాడారు. ఇది బీఆర్ఎస్ అనుచరుల్లో తీవ్ర ఆగ్రహాన్ని రేపింది. ముఖ్యంగా Telangana Jagruthi కార్యకర్తలు — కవిత గారు స్థాపించిన యువజన, సాంస్కృతిక సంస్థ — ఈ వ్యాఖ్యను వ్యక్తిగత దూషణగా తీసుకొని, సోషల్ మీడియాలో మల్లన్నపై తీవ్ర విమర్శలు ప్రారంభించారు.
ఈ వ్యాఖ్యలపై ప్రస్తుత రాజకీయ పరిస్థితుల్లో పెద్ద ఎత్తున చర్చ జరగడంతో, మల్లన్న మీద కక్ష పెంచిన దుండగులు ఆయనను భయపెట్టాలన్న ఉద్దేశంతో కార్యాలయంపై దాడికి పాల్పడినట్టు తెలుస్తోంది. కేవలం అభిప్రాయ స్వేచ్ఛను వ్యక్తపరచిన నాయకుడిపై ఇలా దాడికి దిగడం గంభీర ఆందోళనకు గురిచేస్తోంది.
దాడిపై రాజకీయంగా విమర్శలు
భారత చైతన్య యువజన పార్టీ (BCYP) అధ్యక్షుడు బోడె రామచంద్ర యాదవ్ ఈ దాడిని తీవ్రంగా ఖండించారు. “ఒక ఎన్నికితైన ప్రజాప్రతినిధిపై ఇలా దాడి చేయడమంటే, ప్రజాస్వామ్యంపై దాడి చేసినట్లే. ప్రభుత్వం దీనిపై కఠినంగా స్పందించాలి. నిందితులను వెంటనే అరెస్ట్ చేయాలి,” అని ఆయన డిమాండ్ చేశారు.
Teenmar Mallanna అభిమానుల ఆందోళన
దాడి అనంతరం Teenmar Mallanna గారి అనుచరులు పెద్ద ఎత్తున నిరసనలు చేపట్టారు. “ఇది కేవలం ఆఫీస్పై దాడి కాదు, ప్రజావాణిపై దాడి. మల్లన్న గారిని ముట్టడించాలన్న కుట్ర ఇది. ప్రభుత్వం తక్షణం చర్య తీసుకోకపోతే ఉద్యమం ముదురుతుంది,” అని వారైక్యంగా హెచ్చరించారు.
ఈ ఘటనకు సంబంధించి మరిన్ని అప్డేట్స్ కోసం Today Scoop News – Telugu ను ఫాలో అవుతూ ఉండండి.
About the Author
